လည်လည်သွားမယ်

1. Cats in Japan 🐈

The land of Hello Kitty လို့သိကြတဲ့ ဂျပန်နိုင်ငံ🇯🇵မှာ လူတွေထက်ကြောင်တွေနေတာ ပိုများနေတဲ့ ကျွန်း(၁၃)ကျွန်းရှိပါတယ်။ နာမည်အကြီးဆုံးကတော့ Aoshimaကျွန်းပါ။ ကျွန်းပေါ်ကအိမ်တိုင်းမှာ တစ်အိမ်ကို အနည်းဆုံးကြောင်(၆)ကြောင်ပျှမ်းမျှရှိနေတာကြောင့် ကြောင်ကျွန်းလို့ လူသိများကြပါတယ်။ ကျွန်း‌ပေါ်ရောက်ရင်တော့ ချမှတ်ထားတဲ့စည်းကမ်းတွေကို လိုက်နာပြီး ကြောင်လေးတွေကို အစာကျွေးလို့ရပါတယ်။

2. Giant pandas in China 🐼

တရုတ်နိုင်ငံ🇨🇳မှာ နှစ်စဉ်လူဦးရေတိုးပွားလာမှုနှင့် မြို့ပြချဲ့ထွင်မှုတွေက ပန်ဒါ‌ေလးတွေရဲ့ စားကျက်မြေတွေကို ခြိမ်းခြောက်လာနေပါတယ်။ ဒါကို ကယ်တင်နိုင်ဖို့အတွက် ပညာရှင်တွေက refugeတွေမှာ အကောင်ရေထိန်းသိမ်းတာမျိုးလို စနစ်တကျဂရုစိုက်စောင့်ရှောက‌်ပေးနေပါတယ်။ Lougantai refugeမှာကတော့ Volunteer Programရှိတာ‌ေကြာင့် (၂)ပတ်ကနေ(၄)ပတ်အထိ လုပ်အားပေးလုပ်ရင်း သူတို့လေးတွေကို အနီးကပ်လေ့လာလို့ရတာကြောင့် ပန်ဒါချစ်သူတွေအတွက် အခွင့်ထူးကြီးပါပဲ။

3. Golden Retriever Club of Scotland in Scotland 🐕

လွန်ခဲ့တဲ့၂၀၁၆ ခုနှစ်တုန်းက Golden Retriever ဝါသနာရှင်တွေအတွက် ပွဲလေးတစ်ခုကို Inverness Scotlandမှာစပြီးကျင်းပဖြစ်ခဲ့ကြတယ်။ အစပိုင်းနှစ်တွေမှာ (၁၈၈)ကောင်ပဲပါဝင်ခဲ့ကြပေမဲ့ နောက်ပိုင်းမှာ ၂ဆအထိများလာခဲ့ပါတယ်။ခွေးလေးတွေမရှိကြတဲ့သူတွေတောင် ဒီပွဲလေးကို လာလည်ပြီး Dog parades, jokes, dances နှင့် dinnerစားတာမျိုး တူတူလုပ်လို့ရတာကြောင့် ခွေးလေးတွေကို ချစ်တဲ့သူ‌ေတွ သွားလည်သင့်တဲ့နေရာမျိုးပါ။

4. Llamas and alpacas in Peru 🐐

Llamasလို့သိကြတဲ့ အမွေးထူကောင်လေးတွေကိုတော့ ပီးရူး🇵🇪၊ ဘိုလီဗီးယား🇧🇴နှင့် အာဂျင်တီးနား 🇦🇷တောင်ပိုင်းတွေမှာ အများကြီးတွေ့ရနိုင်ပါတယ်။ ယဉ်ပါးတဲ့အကောင်လေးတွေဖြစ်တာကြောင့် စိုးရိမ်စရာမလိုပေမဲ့ သူတို့ကို နှောင့်ယှက်တာမျိုးမလုပ်မိဖို့ အရေးကြီးပါတယ်။

5. Monkeys in the Amazon Rainforest and Uganda 🐒

မျောက်လေးတွေက ခေါင်းပုံဖြတ်ခရီးသွားလုပ်ငန်း‌ေတွရဲ့ သားကောင်များဖြစ်‌ေနကြပါတယ်။ သူတို့ကိုဖျော်ဖြေပွဲ‌ေတွ၊ ဆပ်ကပ်နှင့်အခြေအနေအရမ်းဆိုး‌ေနတဲ့ တိရစ္ဆာန်ရုံများမှာ အတင်းအဓမ္မ‌ေစခိုင်းခံဖို့အတွက် တရားမ၀င်ဖမ်းဆီးပြီးရက်စက်စွာ‌ေလ့ကျင့်ခံကြရပါတယ်။ ဒီလိုမျိုးတွေမရှိဘဲ သဘာဝအတိုင်း ရှင်သန်နေကြတဲ့ မျောက်‌မျိုးစိတ်‌‌ေတွကို ဘရာဇီး🇧🇷ရဲ့အမေဇုန်မိုးသစ်တောနှင့်ယူဂန်ဒါနိုင်ငံ‌🇺🇬‌ေတွမှာ အများစုတွေ့ရနိုင်ပါတယ်။

ဒီလိုမျိုး စိတ်ဝင်စားစရာကောင်းတဲ့အကြောင်းအရာတွေကို အပတ်စဉ်ရေးသားတင်ဆက်နေတာကြောင့် စောင့်ကြည့်ဖို့လည်း မမေ့ပါနဲ့နော်။♥️

နောက်ပြောင်ပြီး ပြောတာ မဟုတ်ပါဘူး။ တကယ်ပါ။
သြစေတြးလျ Qantas လေကြောင်းလိုင်းက Boeing 787ကို သုံးပြီးဘယ်မှ မရောက်တဲ့ Sydneyမြို့ ကနေ Sydneyမြို့ကိုပြန်‌ေရာက်မဲ့ Sightseeingကြည့်ရုံသက်သက် ခရီးစဉ်တွေကို ရောင်းချခဲ့တာ (၁၀)မိနစ်တွေ လက်မှတ်တွေ အကုန်ရောင်းထွက်ခဲ့ပါတယ်တဲ့။

ဒါဟာ Qantasသမိုင်းမှာ အမြန်ဆုံးရောင်းရတဲ့ ခရိီးစဥ်ဖြစ်တယ်လို့ Qantasရဲ့ CEOဖြစ်သူ Alan Joyceက ဝမ်းသာအားရပြောပြထားတာကို CNN travel က ပြီးခဲ့တဲ့သောကြာနေ့က ဖော်ပြထားပါတယ်။

အောက်တိုဘာလမှာ စတင်မဲ့ခရီးစဥ်အတွင်းမှာ အထင်ကရနေရာေတွ နားမှာ ခပ်နိမ့််နိမ့်ပျံသန်းပေးသွားမှာဖြစ်ပြီး ပျံသန်းချိန်စုစုပေါင်း (၇) နာရီကြာမှာဖြစ်ပါတယ်။ ဒါ့အပြင် Special onboard entertainment အနေနှင့် celebrity host တွေခေါ်ပြီးပါ Supriseလုပ်ပေးမယ်လို့ ပြောကြားထားပါတယ်။

အလားတူ ထိုင်ဝမ်အေခြစိုက် Eva လေ‌ေကြာင်းလိုင်းကလည်း “Flight to nowhere” ခရီးစဥ်တစ်ခုကို ခရီးသည် ၁၂၀ ခန့််နဲ့ စတင်ပျံသန်းလိုက်ပြီဖြစ်ပါတယ်။ ကျန်းမာရေးဆိုင်ရာကန့််သတ်ချက်ေတွေကြာင့်် ဘယ်မှာမှ ဆင်းသက်မှာမဟုတ်တဲ့ ဒီခရီးစဥ်ဟာ တောင်ကိုရီးယားနိုင်ငံ ဂျယ်ဂျူကျွန်းကို လေပေါ်ကနေ ဝဲပျံပြသပေးပြီး ထိုင်ပေကိုပြန်ဆင်းသက်ခဲ့ပါတယ်။

ဒီအကြောင်းကို အက်မင် စတွေ့မိတော့ ရုတ်တရက်‌ေခါင်းစဥ်ပဲဖတ်မိတာ‌ေကြာင့် နောက်ပြောင်နေတယ်လို့ ထင်ခဲ့မိတယ်။ သတင်းတွေ သေချာဖတ်မိတော့မှ သူတို့ရဲ့ ရုန်းကန်နိုင်စွမ်းကို တကယ်လေးစားမိပါတယ်။

အခုလို ကိုဗစ်‌ေကြာင့််ရပ်ထားရတဲ့့ ခရီးသွားလုပ်ငန်း မှာ ေလေကြာင်းလိုင်းေတွလည်းထိပ်ဆုံးကအထိနာခဲ့တယ်လို့ဆိုရင် မှားမယ်မထင်ပါဘူး။ ကပ်ရောဂါကာလ၊ မဖြစ်မနေကလွဲလို့ ခရီးတွေမထွက်ကြရတဲ့အချိန်၊ ငွေကြေးသန်းပေါင်းများစွာ မြုပ်နှံထားတဲ့ ခရီးသွားဆက်စပ်လုပ်ငန်းကြီးတွေ ဘယ်လို ရင်ဆိုင်ဖြေရှင်းကြပါမလဲ။

အဖြေကတော့ ရှင်းပါတယ်။ “Innovate or Die” ပါ။ သူတို့ရွေးလိုက်တဲ့ လမ်းက တီထွင်ဆန်းသစ်မလား (ဒါမှမဟုတ်) သေကြမလား ။ ဆိုလိုတာက တီထွင်ဖန်တီးမှု‌ေတွမရှိရင် သေသွားမှာပါ။ ဝန်ထမ်းတွေရဲ့လစာ၊ ကြွေးမြီ၊ အခွန်အခတွေကြား ဘယ်လိုမှ ရှင်သန်လို့မရဘူးလို့ ဆိုလိုတာပါ။ သူတို့ မသေဆုံးချင်ကြတာကြောင့် အခုလို Innovation မဖြစ်မနေလုပ်ကြရတော့တာပါပဲ။

ကိုးကား –
CNN Travel
Qantas seven-hour flight to nowhere sells out in 10 minutes
Reuters – Taiwan travellers take sightseeing ‘flight to nowhere’

” Space is for everybody. It’s not just for a few people in science or math, or for a select group of astronauts. That’s our new frontier out there, and it’s everybody’s business to know about space.”
(CHRISTA MCAULIFFE, December 6, 1985)

ကျွန်တော်တို့ လူသားတွေ နှစ်ပေါင်းများစွာ ကြိုးစားခဲ့တဲ့စူးစမ်းမှုတွေထဲကမှ မကုန်ဆုံးနိုင်သေးတဲ့လေ့လာမှုတစ်ခုကတော့ အာကာသ ပဲဖြစ်ပါတယ်။ အခုအချိန်ထိ မေးခွန်းပေါင်းများစွာနှင့် မဖြေရှင်းနိုင်သေးတာတွေရှိနေပေမဲ့ အတိုင်းအတာတစ်ခုအထိတော့ ခရီးပေါက်‌ေနပြီလို့ ဆိုရမှာပါ။

ရောက်နိုင်သမျှ ဝေးဝေးအထိ ခရီးဆန့်ချင်တဲ့ လူသားတွေဟာ အာကာသထဲ ခရီးသွားနိုင်ဖို့ရန် ကြိုးပမ်းနေကြတာ နှစ်ချီနေပြီဆိုတာ အားလုံးသိကြပါတယ်။ အာကာသခရီးသွားခြင်းမှာ –
⚫orbital tourism,
⚫ suborbital tourism နှင့်
⚫lunar space tourism အပါအဝင် ကွဲပြားတဲ့အမျိုးအစားတွေ ရှိနေပါသေးတယ်။ လက်ရှိမှာ ကုန်ကျစရိတ် သိပ်ကြီးမြင့်နေပေမယ်လို့ နောင်အနာဂတ်မျိုးဆက်တွေအတွက်ကတော့ ဈေးသက်သာလာနိုင်ပါတယ်။

အာကာသထဲ ရောက်ရှိခဲ့တဲ့ ပထမဆုံး space tourist ကတော့ ပုံပါအမေရိကန်စီးပွားရေးလုပ်ငန်းရှင် Dennis Tito ဖြစ်ပြီးတော့ ၂၀၀၁ခုနစ်မှာ ကမ္ဘာ့လေထုထဲကနေထွက်ခွာပြီး နိုင်ငံတကာအာကာသစခန်း International Space Station(ISS)ဆီကို ၈ရက်ကြာခရီးသွားခဲ့ပါတယ်။ အဲဒီ့အချိန်တုန်းက ရှရှားအေဂျင်စီ Roscosmosနှင့် လက်တွဲခဲ့တဲ့ Space Adventures ကသာ တစ်ခုတည်းသော အာကာသခရီးသွားကုမ္ပဏီဖြစ်ခဲ့ပြီး ခရီးစရိတ်အနေနှင့်ကတော့ စုစုပေါင်းအနည်းဆံုး ဒေါ်လာ မီလီယံ ၂၀ကုန်ကျခဲ့ပါတယ်။

၂၀၁၈ခုနစ်မှာ NASAရဲ့ စတူဒီယိုကနေ generationအသစ် လေ့လာစူးစမ်းသူတွေကြောင့် အာကာသတွင်း ခရီးသွားလို့ ရလာနိုင်ချေရှိတဲ့ ဂြိုလ်တွေကို creativityကောင်းကောင်းနှင့် ပိုစတာတွေ ထွက်ထားတာရှိပါတယ်။

အဲဒီ့အထဲမှာမှ Grand Tourကတော့ အမိုက်စား အလန်းဆုံး ခရီးစဉ်တစ်ခုပေါ့။ ဝမ်းနည်းစရာက‌ ဒီလိုစကြဝဠာ နေအဖွဲ့အစည်းထဲက အဓိကဂြိုလ်တွေဖြစ်တဲ့ Jupiter, Saturn, Uranus နှင့် Neptuneဂြိုလ်တို့ကို လည်ပတ်တာက အာကာသအတွင်း အချိန်ကွာဟချက်ကြောင့် ၁၇၃နှစ်မှ တစ်ခါ သွားနိုင်မှာပဲဖြစ်ပါတယ်။

ပိုစတာထဲက ပထမဆုံး တစ်ခု Mars
Mars ဂြိုလ်ကို လေ့လာမှုတွေပြုလုပ်ကတည်းက လူသားတွေ အမြဲတမ်းနေထိုင်နိုင်ဖို့အတွက်ကို အဓိကထားလုပ်ခဲ့ကြပါတယ်။ ပိုစတာပါ ပုံစံတွေအရ Marsဂြိုလ်ဟာ empty planet အနေနှင့် မဟုတ်တော့ဘဲ ရေအရင်းအမြစ်တွေ၊ သစ်ပင်တွေပါဝင်နေတာကမျှော်လင့်စရာ တစ်ခုပဲဖြစ်ပါတယ်။

ဒုတိယတစ်ခုက ကမ္ဘာဂြိုလ်
ကမ္ဘာမြေဟာလည်း နောင်အနာဂတ် လူသားတွေရဲ့ ဇာတိမြေကို ပြန်လည်လည်ပတ်စရာ နေရာတစ်ခုဖြစ်လာနိုင်ချေရှိတာကြောင့် ဒီစာရင်းထဲမှာ ပါဝင်နေပါတယ်။ လူသား‌ေတွအသက်ရှင်နိုင်တဲ့ အခြေခံလိုအပ်ချက်တွေပြည့်စုံနေတဲ့ ဂြိုလ်အသစ်တွေသာ ထပ်မံ‌ေတွ့ရှိလာလို့ လူသားတွေက ညစ်ညမ်းနေပြီဖြစ်တဲ့ကမ္ဘာဂြိုလ်ကို ထားရစ်ခဲ့တဲ့ကိစ္စဟာ WALL-E ဇာတ်ကားထဲကလို အမှန်တကယ် ဖြစ်လာနိုင်ပါတယ်။

Venus
Venusဂြိုလ်မှာ unique cosmic phenomenon တေွ တွေ့ရနိုင်တာ‌ေကြာင့် အာကာသလေ့လာရေး စူးစမ်းရှာဖွေတွေလုပ်လိုသူတွေနှင့်  သိပ္ပံပညာ‌ရှင်တွေအတွက် အိမ်မက်နေရာတစ်ခုပဲဖြစ်ပါတယ်။

Jupiter
ကောင်းကင်မှာ ရောင်စုံဥတ္တရအလင်းတန်း(Aurora)တွေ အများကြီး ရှိနေတဲ့ Jupiterဂြိုလ်ကလည်း တစ်နေ့မှာ space tourismအတွက် destination‌ေကာင်းတစ်ခုဖြစ်လာမှာပါ။ ကမ္ဘာမှာ မြင်တွေ့နိုင်တဲ့အလင်းတန်းတွေထက် အဆရာချီပြီး ပိုအားကောင်း၊ ပိုလှတဲ့ အရောင်အသွေးစုံတွေကြောင့် မှော်ကမ္ဘာတစ်ခုလိုမျိုး အာကာသခရီးသွားတွေကို ဆွဲဆောင်နေပါတယ်။

နောက်ထပ်ကတော့ –
🌘 NASAက မကြာသေးခင်က တွေ့ရှိခဲ့တဲ့ ကျောက်တုံးတွေ၊ ရေခဲတွေပဲ ရှိနေတဲ့ ြဂိုလ်ပုလေး Ceres

🌒 သမုဒ္ဒရာနှင့် hydrothermal activityတွေရှိနေမယ်ယူဆရတဲ့ Enceladus ဂြိုလ်

🌘 နေအဖွဲ့အစည်းထဲက ဒုတိယအကြီးဆုံး Saturnရဲ့ ြဂိုလ်ရံလ Titan
နှင့် အခြားဖြစ်နိုင်‌ေချ projectတွေဖြစ်တဲ့ –
⚫Europa
⚪51 Pegasi B
⚫HD 40307G
⚪PSO J318.5-22
⚫Trappist-1e
⚪Kepler-186f
⚫In The Making: Circumlunar Mission
⚪In The Making: Luxury In Orbit
⚫In The Making: Mars 2117 Project
⚪In The Making: One Way Ticket To Mars တို့အတွက် အသေးစိတ်ကို အောက်က Linkမှာ ဝင်ရောက်ဖတ်ရှု့နိုင်ပါတယ်။👇

https://www.thetravel.com/15-incredible-space-tourism-options-coming-soon-5-destinations-already-available-today/

အခြေခံလိုအပ်ချက်များ
အရပ်အမြင့် – 160cm (5’3″) ~ 185cm (6’1″)
ခန္ဓာကိုယ်အလေးချိန် – 50 kg (110lbs) ~ 95kg (209lbs)

အာကာသအတွင်းခရီးသွားတဲ့အခါမှာ ပြင်းထန်တဲ့ဖိအားနှင့် ကမ္ဘာ့ဆွဲအားမရှိတဲ့ ဒဏ်ကိုခံစားရမှာ ဖြစ်တာကြောင့် အာကာသယာဉ်မှူးများလေ့ကျင့်တဲ့ပုံစံအတိုင်း ပရိုဂရမ်အတိုင်း အချိန်တစ်ပတ်လောက် ကြိုတင်လေ့ကျင့်ထားရမှာပဲဖြစ်ပါတယ်။ လေ့ကျင့်တဲ့အခါမှာ ရုပ်ပိုင်းဆိုင်ရာအတွက်ပဲမဟုတ်ပဲ အာကာသယာဉ်ထဲက နည်းပညာတွေနှင့် ရင်းနှီး ကျွမ်းဝင်ဖို့ပါ လုပ်ကြရပါတယ်။ Zero gravity flightsအတွက်လိုအပ်ရင်တော့ medical exam စစ်ဆေးခံရမှာပါ။

အစားအသောက်
အစားအသောက်ကိုတော့ pre-packaged foods တွေပဲစားရမှာဖြစ်ပြီး လတ်ဆတ်တဲ့ အသီးအနှံတွေကို resupply missions ပြန်လည်ဖြည့်တင်းပေးကြပါတယ်။ တစ်ခါတစ်လေတော့ NASAက space farm ထဲမှာစိုက်ထားတဲ့ မုန်ညင်းလို အရွက်တွေလည်း စားရနိုင်ပါတယ်။

Space flight ထဲမှာ 22 degrees Celsius နှင့် 60 per cent relative humidity ကိုရ‌ေအာင်ထိန်းထားထားပေးတယ်ဆိုပေမဲ့ ဝတ်ချင်တိုင်းဝတ်လို့မရတာတော့ အသေအချာပါပဲ။

အသေးစိတ်ဖတ်ရှု့ရန် –
https://www.iexplore.com/articles/activity-guides/space-travel/preparing
https://www.flightcentre.com.au/travel-news/travel-tips/10-space-travel-facts

အာကာသခရီးသွားလုပ်ငန်းထဲက Companyကြီး(၅)ခု

1️⃣Virgin Groupကြီးရဲ့ အစိတ်အပိုင်းတစ်ခုဖြစ်တဲ့ Virgin Galactic
~~~~~~~~~~~~~~~~~~~~~~~~~~~~~~~~~~~
Virgin Galactic space tourism companyဟာ သူတို့ရဲ့ waiting list ထဲမှာ ပါဖို့အတွက်တင် £200,000 အထိ depositပေး၊‌ စောင့်ဆိုင်းနေကြသူ space touristsအမြောက်အမြားရှိ‌ေနပါတယ်။

2️⃣တခြားကုမ္ပဏီတွေနှင့် မတူညီအောင် ခွဲထွက်‌ချင်‌ေနတဲ့ SpaceX
~~~~~~~~~~~~~~~~~~~~~~~~~~~~~~~~~~~
SpaceX companyကတော့ တခြားကုမ္ပဏီတွေနှင့် မတူညီအောင် ခွဲထွက်‌တဲ့အနေနှင့် lunar tourismနှင့်အခြားပုံစံကွဲတွေ ချဲ့ထွင်ဖို့ကြိုးစားခဲ့ပါတယ်။ ခရီးသည် ၂ဦးနှင့် ‌လကမ္ဘာခရီးစဉ်ကို ၂၀၁၈ခုနစ်မှာ စတင်ဖို့ အစီအစဉ်ဆွဲခဲ့ပေမဲ့ အခုချိန်အထိ နှောင့်နှေးမှု‌ေတွရှိ‌ေနပါတယ်။ Waiting listကိုတော့ ထုတ်ဖော်ပြောကြားထားခြင်းမရှိသေးပေမဲ့ ကုန်ကျစရိတ်က rocketပေါ်မူတည်ပြီး ဒေါ်လာ ၆၂မီလီယံနှင့် မီလီယံ ၉၀ကြားရှိပါတယ်။

3️⃣နောက်ထပ်တစ်ခုကတော့ Blue Origin ကုမ္ပဏီ
~~~~~~~~~~~~~~~~~~~~~~~~~~~~~~
Virgin Galacticနှင့်အဓိကပြိုင်ဖက်ဖြစ်တဲ့ Blue Originကလည်း test flightsတွေ အကြိမ်ပေါင်းများစွာ ပြုလုပ်ခဲ့ပြီး မကြာခင် ခရီးသည်တွေ စတင်ပို့ဆောင်‌မှာဖြစ်ပါတယ်။ Virgin Galacticနှင့်မတူတဲ့အချက်ကတော့ ယခုအချိန်အထိ ကြိုတင်ငွေ တောင်းခံခြင်းမရှိသေးဘဲ ခရီးစဉ်တစ်ခေါက်လျှင် ခရီးသည် ၆ယောက်အထိ လိုက်ပါနိုင်မယ်လို့ အစီအစဉ်ဆွဲထားကြတာပါပဲ။

4️⃣Space hotelတစ်ခုတည်ဆောက်မဲ့ Orion Span ကုမ္ပဏီ
~~~~~~~~~~~~~~~~~~~~~~~~~~~~~~~~~~
USအခြေစိုက် Orion Span ကုမ္ပဏီက space hotelတစ်ခုအဖြစ်အသုံးပြုဖို့ Aurora Space Stationလို့ အမည်ရတဲ့ private commercial space station တည်ဆောက်ရေးအစီအစဉ်ကို ကြေညာခဲ့ပါတယ်။ အစီအစဉ်ဆွဲဆဲ provisional stagesမှာပဲ ရှိသေးပေမဲ့ လပေါင်းများစွာအထိ hotel reservationတွေလုပ်ထားတာတွေရှိနေပါပြီ။ တစ်ကြိမ်ကိုခရီးသည်၆ယောက်နှုန်းနှင့် ပထမဆုံးဧည့်သည်တွေကို 2022ခုနစ်မှာ စတင်ဝန်ဆောင်မှုပေးမယ်လို့ ဆိုထားပါတယ်။

5️⃣နောက်ဆုံးတစ်ခုကတော့ နာမည်ကျော် Boeing
~~~~~~~~~~~~~~~~~~~~~~~~~~~~~~
အားလံုးရင်းနှီးပြီးသား Boeingကတော့ NASA ရဲ့ Commercial Crew Development programmeမှာ major playerအနေနှင့်ပါဝင်ဖို့ သဘောတူညီထားပါတယ်။ သဘောတူညီချက်တွေအရတော့ အာကာသတွင်းခရီးသွားဖို့ ယာဉ်အမျိုးအစားတွေကို ဆောက်လုပ်သွားမှာပါ။

အသေးစိတ်ဖတ်ရှု့ရန် –
https://www.revfine.com/space-tourism/#history-space-tourism

ကုန်ကျစရိတ်
နိုင်ငံတကာအာကာသစခန်းအ‌ေရာက် ခရီးသည်တစ်ဦး‌ေပး‌ေချရမဲ့‌ေငွက‌ေတာ့ အနည်းဆုံး ဒေါ်လာ ၂၀~၂၅မီလီယံဖြစ်ပါတယ်။ Space Hotel ဈေးနှုန်းက‌ေတာ့ ဧည့်သည်တစ်ယောက်အတွက် တစ်ညကို ဒေါ်လာ ၂၀~၄၀မီလီယံ ကျသင့်မှာဖြစ်ပါတယ်။ Company နှင့် Rocketပေါ်မူတည်ပြ‌ီး ကုန်ကျစရိတ်က ပိုများလာနိုင်တာမျိုးပဲရှိပါတယ်။ ဒီ့ထက်တော့နည်းမှာ မဟုတ်ပါဘူး။

ISSကို ရောက်ရှိတဲ့ ခရီးသည်တစ်ယောက်ရဲ့ တစ်ညကုန်ကျစရိတ်အနေနှင့် NASAက $35,000ယူမှာဖြစ်ပြီး ခရီးသည်တစ်ယာက်ကို life support, food, air, energy နှင့် လိုအပ်မဲ့‌ေဒတာတွေ ထောက်ပံ့ပေးသွားမယ်လို့ ဆိုထားပါတယ်။

အသေးစိတ်ကိုတော့ ပုံမှာ တွက်ကြည့်နိုင်ပါတယ်။

အချိန်အတိုင်းအတာ တစ်ခုမှာတော့ လူသားတို့ရဲ့ Galaxyအိမ်မက်တွေကို မက်ချင်သူတိုင်းမက်ခွင့်ရပြီး ကြယ်တွေနှင့်အနီးဆုံးဆီ အမှန်တကယ် ရောက်နိုင်လေမလား ?

အခုလက်ရှိမှာတော့ COVID-19ကပ်ရောဂါကနေ ဦးစွာ လွတ်မြောက်ကြပြီး၊ မကြာမီ ကိုယ်စီအိမ်မက်တွေ လက်တွေ့ဖြစ်လာပါစေလို့ ဆုတောင်းပေးလိုက်ပါတယ်။

ဒီနေ့အတွက်ကတော့ ဒီလောက်ပါပဲ။
ဖတ်ရှု့ပေးတဲ့အတွက် ကျေးဇူးတင်ပါတယ်။❤️

ဒီနေ့တော့ Virtual tourနှင့် ခရီးထွက်လို့ရတဲ့ မြန်မာပြည်က ဘုရားစေတီနှင့် နေရာဒေသလေးတွေ ညွှန်းပေးချင်ပါတယ်။ 🤗

ကြည်လင်ပြတ်သားတဲ့ ပုံရိပ်တွေ၊ ဘုရားဖူးဧည့်သည်တွေရဲ့ အသံတွေ၊ ဓမ္မာရုံက တရားသံတွေအထိ လက်တွေ့ကမ္ဘာက အသံအစစ်တွေကြောင့် အက်မင်တော့ တကယ်ရောက်သွားသလို ခံစားရပြီးပြီ။

ကဲ….
COVID-19ကြောင့် အပြင်မထွက်တဲ့အခြေအနေမှာ virtual tourနှင့် မြန်မာနိုင်ငံအနှံ့က ထင်ရှားတဲ့နေရာတွေကို သွားလိုက်ရအောင်။💟👇

၁။ရွှေတိဂုံစေတီတော်မြတ်ကြီး

ဝင်ရောက်ကြည့်ရှု့‌ရန် Link –
https://www.photojpl.com/shwedagon-pagoda-of-yangon-myanmar-in-virtual-reality/-/qEBKxNPQNH/

၂။ဗိုလ်ချုပ်အောင်ဆန်းနေအိမ်ပြတိုက် (ရန်ကုန်)

ဝင်ရောက်ကြည့်ရှု့‌ရန် Link –
https://my.matterport.com/show/?m=h7qzgkohQyg&back=1

၃။ပုဂံဒေသ
ရွှေဂူကြီးဘုရားပေါ်က နေထွက်ချိန်မြင်ကွင်း

ဝင်ရောက်ကြည့်ရှု့‌ရန် Link –
https://www.photojpl.com/balloons-over-bagan-temples-in-myanmar-virtual-tour/-/h0lRbNQ9Dx/

ပုဂံဘုရားတစ်ဆူ
ဝင်ရောက်ကြည့်ရှု့‌ရန် Link –
https://www.photojpl.com/temples-of-bagan-in-burma/-/tVGTGoNuiQ/

၄။ ဂူပြောက်ငယ်ဘုရား

ဝင်ရောက်ကြည့်ရှု့‌ရန် Link –
https://chrisogrady.com/virtual-tour-gu-byauk-gyi-bagan-manmar/

၅။ပဲခူးရွှေသာလျောင်းဘုရားကြီး

ဝင်ရောက်ကြည့်ရှု့‌ရန် Link –
https://chrisogrady.com/virtual-tour-of-shwethalyaung-buddha-in-bago-myanmar/

၆။မန္တလေးမဟာအောင်မြေ ဘုန်းကြီးကျောင်း

ဝင်ရောက်ကြည့်ရှု့‌ရန် Link –
https://www.photojpl.com/maha-aung-mye-bonzan-monastery-in-mandalay-burma-myanmar/-/yo5vyDR0Pv/

Enotourism ဆိုတာဘာလဲ?
••••••••••••••••••••••••••••••••••••
Enotourism, oenotourism, wine tourism, vinitourismလို့လည်းခေါ်ကြပြီး ၂၁ရာစုရဲ့ခရီးသွားပုံစံ အသစ်တစ်ခုဖြစ်ပါတယ်။ဖြစ်‌ေပါ်လာပံုသမိုင်းကြောင်း‌ေတွကဒေသတစ်ခုနှင့်တစ်ခုကွဲပြားခြားနားမှုတွေရှိနေပေမဲ့ Enotourismလို ခရီးသွားပံုစံအသစ်ကို ကတ်တာလိုးနီးယားနှင့်စပိန်နိုင်ငံလိုမျိုးဒေသ‌ေတွက၂၀၀၀ ပြည့်နှစ်အလယ်ပိုင်းကစတင်ပြီး အစပျိုးခဲ့ကြပါတယ်။

၂၀၀၄ ခုနှစ်မှာ Sideways လို့ အမည်ရတဲ့ရုပ်ရှင်ထွက်ရှိပြီးတဲ့‌ေနာက် အဲ့ဒီရုပ်ရှင်ထဲမှာ ပါရှိခဲ့တဲ့ ကာလီဖိုးနီးယားတောင်ပိုင်းဆန်တာဘာဘရာဒေသရှိဝိုင်ထုတ်လုပ်ရေးလုပ်ငန်းအကြောင်းကြောင့် enotourismအပေါ် ခရီးသွားတွေ စိတ်ဝင်စားမှုမြင့်တက်လာခဲ့ရပါတယ်။ အချက်အပြုတ်(သို့မဟုတ်)ဝိုင်နှင့်ဆိုင်တဲ့လှုပ်ရှားမှု‌ေတွအပါအဝင် ၂၁ ရာစု၏ပထမဆယ်စုနှစ်တစ်လျှောက်ခရီးသွားလုပ်ငန်း သိသိသာသာတိုးတက်ခဲ့ရတဲ့အထိပါပဲ။

ဂျာမနီ၊ သြစတြီးယား၊ စလိုဗေးနီးယား၊ စပိန်၊ ပြင်သစ်၊ ဂရိ၊ ဟန်ဂေရီ၊ အီတလီနှင့်ပေါ်တူဂီနိုင်ငံ‌ေတွမှာလည်း ဝိုင်သိုလှောင်တဲ့မြေအောက်ခန်း‌ေတွ လာရောက်လည်ပတ်မှု ပိုတိုးစေဖို့အတွက် နှစ်စဉ်နိုဝင်ဘာလ ဒုတိယအပတ်တနင်္ဂနွေနေ့ကို “Enotourism Day” အဖြစ် သတ်မှတ်ကျင်းပလိုက်ကြပါတယ်။ 
– Thailand 🇹🇭
– China 🇨🇳
– Japan 🇯🇵
– Myanmar 🇲🇲
– Bali 🇮🇩
– India 🇮🇳
– Belgium 🇧🇪
– Vietnam 🇻🇳
– England 🇬🇧
– Canada 🇨🇦
– Brasil 🇧🇷နိုင်ငံတွေရဲ့ မတူညီတဲ့ မြေဆီလွှာအမျိုးအစားနှင့် အပင်မျိုးတွေက ဒေသထွက်ဝိုင်တွေကို ပိုမိုထူးခြားကွဲပြားမှုတွေ ပေးစွမ်းကာ နာမည်ကျော်‌ေစပါတယ်။

Enotourismက Booze tourismနဲ့ လုံးဝမတူဘဲ ပို classicဆန်တာကြောင့် ဝိုင်ချစ်သူတွေ အကြိုက်ပဲဖြစ်ပါတယ်။ ခရီးစဉ်မှာ အဓိကအ‌ေနနှင့် ဝိုင်တွေရဲ့ သမိုင်းကြောင်းနှင့်ပြုလုပ်ပုံတွေကို လေ့လာကြပါတယ်။ အချို့သောဝိုင်ထုတ်လုပ်ရေးလုပ်ငန်းများက ဝိုင်ထုတ်လုပ်ရေးလုပ်ငန်းအနီးအနားမှာ guest house‌ေတွ ပြင်ဆင်ပေးထားတာမျိုးလည်းရှိပါတယ်။ ဧည့်သည်တွေက ဝိုင်သောက်တာတစ်ခုတည်းကိုလုပ်ကြတာမျိုးမဟုတ်ဘဲ ဝိုင်ရဲ့အနံ့၊ အရောင်အဆင်း၊ အရသာတွေကို ခံစားကြတဲ့အပြင် ဝိုင်ချက်လုပ်ငန်းတွေဆီလည်ပတ်ကြတာမျိုး၊ စပျစ်သီးခူးဆွတ်တာ၊ စပျစ်ခင်းတွေကြားထဲ လမ်းလျှောက်ထွက်ကြတာ၊ စက်ဘီးစီးတာ၊ dinnerစားကြတာမျိုးလို Activitiesတွေလည်း ပျော်ပျော်ရွှင်ရွှင် လုပ်ကြပါသေးတယ်။

Enotourism အကြောင်းကတော့ ဒီလောက်ပါပဲ။ နောက်ထပ်လည်း ခရီးသွားခြင်းနှင့်သက်ဆိုင်တဲ့အကြောင်းအရာတွေဝေမျှပေးသွားမှာဖြစ်ပါတယ်။
ဖတ်ရှု့ပေးတဲ့အတွက်လည်း ကျေးဇူးအများကြီးတင်ပါတယ်။💞

Choose your decision mindfully

ခရီးတွေ အများကြီးသွားနေတိုင်းတော့ ခရီးသွားကောင်းတစ်ယောက် မဖြစ်နိုင်ပါဘူး။ ခရီးသွားရင် ဘယ်လိုအချက်တွေကို စဉ်းစားပြီး သွားကြပါသလဲ? အောက်မှာဖော်ပြထားတဲ့အချက်တွေကို မလုပ်မိဘူးဆိုရင်တော့ ခရီးသွားပုံစံကို ပြောင်းလဲဖို့ တကယ်လိုအပ်နေပါပြီ။ ကဲ…ကြည့်လိုက်ရအောင်။

* သုံးစွဲမဲ့ငွေကြေး၊ ရည်ရွယ်ချက်၊ အချိန်ကာလပေါ်မူတည်ပြီး သင့်လျော်မဲ့ ခရီးလမ်းကြောင်း၊ တည်းခိုစရာ၊ သွားလာရေးကို ရွေးချယ်ပါ။ Eco-friendly hotelsတွေ ရွေးနိုင်ရင် ရွေးပေးပါ။

** သယ်ယူပို့ဆောင်ရေးကဏ္ဍကထွက်ရှိတဲ့ ကာဗွန်ပမာဏက တစ်နှစ်ထက်တစ်နှစ် ပိုပိုများလာနေတာကို သတိပြုပေးပါ။  Public transportationသုံးတာကလည်း ကာဗွန်ထုတ်လုပ်မှုကို လျော့ချနိုင်တဲ့ နည်းလမ်းတစ်ရပ်ပဲဖြစ်ပါတယ်။ ခရီးသည်၄၀ဆံ့တဲ့Busတစ်စီးက ထွက်တဲ့ကာဗွန်ပမာဏထက် ကားအသေး ၁၀စီးက ထွက်တဲ့ပမာဏကပိုမှာပါ။ #The_bigger_The_better။ မီးခိုမထွက်တဲ့ စက်ဘီး၊ E-bikesတွေကို ပိုသုံးပေးလို့လည်းရပါတယ်။

*** စားနိုင်တာထက် ပိုမမှာပါနဲ့။ energyကို ချွေတာပေးပါ။ ကုန်ကြမ်းအားလုံးက ပြန်လည်ပြည့်ဖြိုးမြဲစွမ်းအင် (renewable energy)တွေ မဟုတ်ကြပါဘူး။

Be kind to the environment

* အမြင်သာဆံုးက‌ေတာ့ အမှိုက်တွေပါ။ နေရာလေးတစ်ခု နာမည်ကြီးပြီး ခရီးသွားတွေ ဒလဟောလာကြ၊ ပြန်သွားကြပြီးရင် အပုံလိုက်ကျန်ခဲ့အမှိုက်တွေအတွက် အဓိကတာဝန်ရှိသူက စွန့်ပစ်ခဲ့တဲ့သူသာလျှင်ဖြစ်ပါတယ်။ ဒီဒေသလေးလှလိုက်တာလို့ တဖွဖွပြောရင်းပဲ မိမိလက်နဲ့ အလှပျက်အောင် လုပ်ခဲ့တာမျိုးပါ။

** ခရီးသွားနေတုန်း အဓိက သုံးမိတဲ့ ပစ္စည်းတွေထဲ သောက်ရေသန့်ဘူးနဲ့ တစ်ခါသုံး သွားပွတ်တံတွေက အများဆုံးဖြစ်ပါလိမ့်မယ်။ ယာဉ်လိုင်းတွေကရော၊ ဟိုတယ်တွေကပါ free‌ေပး‌ေလ့ရှိ‌ေတာ့ ပိုဆိုးပါတယ်။ နှစ်ခုလုံးက Plasticပစ္စည်း‌ေတွဖြစ်တာ‌ေကြာင့် ပြိုကွဲပျက်စီးဖို့ရန် နှစ်ထောင်သောင်းချီကြာမှာပါ။ မဖြစ်မနေလည်းသုံးဖို့ လိုအပ်နေပြန်တော့ ဖြစ်နိုင်ရင် Reusable productsတွေ ယူလာသုံးပါ။ မဖြစ်နိုင်ရင် လျှော့သုံးပါ။

*** နိုင်ငံတကာမှာ အခုနောက်ပိုင်း ခေတ်စားလာတာက reef-friendly sunscreenပါ။ လေ့လာချက်တွေအရ suncreanတွေပျော်ဝင်ထားတဲ့ပင်လယ်ရေပမာဏအနည်းငယ်ကတောင် သန္တာကျောက်တန်းတွေကို ဖျက်စီးနိုင်စွမ်းရှိပါတယ်တဲ့။ ပတ်ဝန်းကျင်ကိုမပျက်စီးစေချင်၊ အသားအရေလည်း မထိခိုက်စေချင်ရင်တော့ reef-friendly sunscreenကိုရှာဝယ်သုံးတာပဲဖြစ်ဖြစ်၊ ရေကူးတဲ့အခါ နေလောင်ဒဏ်ခံနိုင်တဲ့ Swimsuit အရှည်ဝတ်တာမျိုးဖြစ်ဖြစ် လုပ်စေချင်မိပါတယ်။

Support Local Businesses & Buy Locally-Sourced Products

* ဒေသခံတွေ ဖွင့်လှစ်ထားတဲ့ ဒေသရိုးရာစားသောက်ဆိုင်ငယ်လေးတွေ၊ လက်ဆောင်ပစ္စည်းဆိုင်၊ Local transportation‌ေတွမှာဖြစ်နိုင်ရင် စားပါ၊ဝယ်ပါ၊သံုး‌ေပးပါ။ ဒေသလုပ်ငန်းတွေကို လေ့လာပါ။ ဒီနည်းလမ်းတွေနဲ့ ဒေသခံတွေကို ကူညီပေးကြပါ။

** သို့ပေမဲ့ တရားဝင်တားမြစ်ထားတဲ့ တောရိုင်းတိရစ္ဆာန်တွေရဲ့ ကိုယ်ခန္ဓာအစိတ်အပိုင်းတွေ၊ ရှားပါးသစ်ပင်ပန်းပင်၊ သန္တာကျောက်တန်းအပိုင်းအစ‌ေတွကို အလှပြဖို့အတွက်ပဲဖြစ်စေ ရောင်းဝယ်တာမျိုး လုံးဝမလုပ်သင့်ပါဘူး။ ရှားပါးတောကောင်တွေရဲ့ အသားဟင်းလျာတွေ အပါအဝင်ပေါ့။

*** Homestayနေတာမျိုး၊ လုပ်အားပေးဝင်လုပ်တာမျိုးနဲ့လည်း ဒေသခံတွေရဲ့ဝင်ငွေနှင့်‌ေကာင်းကျိုးကိုရော၊ မိမိရဲ့ အတွေ့အကြံုကောင်းတွေကိုရော တိုးတက်စေလို့ရပါတယ်။

**** တိုင်းရင်းသားတွေရဲ့ ရွာကို သွားလည်တဲ့အခါမှာလည်း ဓလေ့ထုံးတမ‌‌်းတွေကို လေးစားပေးပါ။ မယုံကြည်လို့ရပေမဲ့ စော်ကားတာမျိုးမလုပ်သင့်ပါဘူး။ ခွင့်မတောင်းပဲ သူတို့ရဲ့ပုံတွေမရိုက်သင့်ပါဘူးနော်။ စိုက်ခင်းတွေထဲ ဓာတ်ပုံရိုက်ချင်ရင်လည်းခွင့်တောင်းပြီး အပင်တွေ မပျက်စီးအောင် ဂရုစိုက်ပေးပါ။

Make Sure Your Travels Don’t Support Animal Suffering

* ကလေးဘဝကတည်းကမြင်ဖူးနေပေမဲ့ အမှုမဲ့အမှတ်မဲ့သတိမထားမိတဲ့အချက်က Animal Exploitation(တိရစ္ဆာန်တွေအပေါ်အမြတ်ထုတ်ခြင်း)။ မြွေလိမ္မာလေး၊ ဆင်လိမ္မာလေး၊ မျောက်လိမ္မာလေး၊ ကျားလိမ္မာလေးလို့ ဘယ်လိုပဲခေါ်နေနေ ဒါဟာ ဘယ်လိုနာကျင်ခံရပြီးမှ လိမ္မာလာတာမျိုးတွေဖြစ်မလဲ။ ချွန်းတွေနဲ့ပေါက်၊ ကြိမ်တွေနဲ့ရိုက်၊ အစာဖြတ်ခံပြီးမှ စကားနားထောင်လာတာမျိုးတွေလားဆိုတာ သေချာသိဖို့လိုပါတယ်။ တိရစ္ဆာန်တွေဟာ သူတို့သဘာဝအတိုင်းပဲ လွတ်လွတ်လပ်လပ် ရှင်သန်ချင်ကြမှာပါ။ အခုတော့ လူတွေကို entertainလုပ်ပြရ၊ အစီးခံရဖြစ်လာတဲ့အခါမှာ harassment မှသည် exploitationအထိဖြစ်လာပါ‌ေတာ့တယ်။

** တိရစ္ဆာန်‌ေတွကို တကယ်လေ့လာချင်တယ်ဆိုရင်တော့ သဘာဝအတိုင်းလွှတ်ထားတဲ့ Safariလိုမျိုးကို သွားပြီး သင့်တော်တဲ့အကွာအဝေးတစ်ခုကနေသာ သူတို့ရဲ့အလေ့အကျင့်တွေကိုကြည့်သင့်ပါတယ် (ဒါမှမဟုတ်) တိရစ္ဆာန်တွေအပေါ် ဘယ်လိုကိုင်တွယ်နေလဲဆိုတာ အရင်လေ့လာပြီးမှ သွားရောက်လည်ပတ်သင့်ပါတယ်။

Give snacks instead of money

အထူးသဖြင့်ကလေးငယ်လေးတွေကိုပါ။ ပိုက်ဆံကို လွယ်လွယ်တောင်းလို့ရတယ်ဆိုတဲ့အသိ မဝင်‌သွားစေချင်တာကြောင့် သနားလို့ပေးချင်တဲ့အခါ မုန့်က ပိုသင့်တော်မယ် ထင်မိပါတယ်။ တစ်ဖက်မှာလည်း ဘုရားသမိုင်းရှင်းပြ‌ေပး၊ ဓာတ်ပုံရိုက်ပေးတဲ့ ကလေးတွေကို‌ေတာ့ တတ်နိုင်သလောက် ချီးမြေှာက်ပေးသင့်ပါတယ်။

Leave your destination equal to or better than before

မိမိကြောင့် သဘာဝတရားကိုသာမက ရှေးဟောင်းအဆောက်အအုံနှင့်ပစ္စည်း‌ေတွ၊ ဒေသပုံရိပ် ဘာတခုမှ ထိခိုက်မပျက်စီးသွားပါစေနှင့်။
တန်ဖိုးရှိလှတဲ့ နံရံဆေးရေးတွေပေါ် လျှောက်ခြစ်ကာ တန်ဖိုးမသိသူ၊ တန်ဖိုးမထားတတ်သူ မဖြစ်မိပါစေနဲ့။ အမှိုက်တွေ နိုင်သလောက် ကောက်ပေးနိုင်ရင်လည်း သိပ်ကောင်းမှာပါ။
#ခြေရာတွေသာချန်ခဲ့ပါဓာတ်ပုံတွေသာယူသွားပါ။

Be Aware and Share

အပေါ်မှာ ဖော်ပြထားတဲ့အချက်တွေထဲက များနိုင်သမျှ များများကြိုးစားလုပ်ဆောင်ပေးခြင်းအားဖြင့် တာဝန်သိပြီး တာဝန်ကျေတဲ့ ခရီးသွားကောင်းတစ်ယောက်ဖြစ်လာ‌ေပးပါနော်♥️
ဒါတင်မကသေးပါဘူး…
မိမိရဲ့မိတ်ဆွေသူငယ်ချင်း၊ မိသားစုနှင့် အခြားသူတွေသိအောင် ဝေမျှပေးကြပါဦးနော့💕

How to choose a Travel Destination?
ဆုံးဖြတ်ရခက်နေပြီ ဆိုရင်တော့ အောက်ကမေးခွန်းလေးတွေ မိမိကိုယ်ကို မေးပြီး ဖြေကြည့်လိုက်ပေတော့ …

 ဘာကြောင့် ခရီးသွားချင်တာလဲ ?
လူအများစုကတော့ ကိုယ့်ကိုကိုယ် စိန်ခေါ်မှုတွေ လုပ်ဖို့၊ အသစ်အသစ်တွေ လေ့လာဖို့၊ အခြားရှု့ထောင့်ကနေ မြင်ကြည့်ဖို့၊ ပိုမိုနားလည်လာဖို့၊ ခိုင်မာတဲ့ relationshipတွေ တည်ဆောက်ချင်လို့၊ adventureတွေ လုပ်ကြည့်ချင်လို့၊ တစ်ခုခုကို celebrateလုပ်ချင်လို့၊ အနားယူဖို့ စသဖြင့် ရှိကြပါတယ်။ ဘာကြောင့်် ခရီးသွားချင်လဲ ဆိုတဲ့အေပါ် မူတည်ပြီး ရွေးချယ်ရမဲ့ destination ကလည်း ကွဲပြားသွားမှပါ။

 ဘာတွေလုပ်ရတာ စိတ်ဝင်စားတာလဲ?
တစ်ချို့ခရီးသွားတွေကတော့ ခရီးသွားရင်း Adventure and outdoor activity တွေ စမ်းလုပ်ကြည့်ချင်ကြပါတယ်။ တစ်ချို့ကြပြန်တော့ အေးအေးလူလူ Culture, food, art တွေ လေ့လာချင်တာမျိုးရယ်။ တစ်ချို့ ငွေကြေးသုံးစွဲနိုင်သူတွေကျပြန်တော့ Luxury နဲ့ pampering ပေါ့။ မိသားစု နဲ့ Fun & Relax ပဲလုပ်မယ် စိတ်ကူးတဲ့သူတွေလည်း ရှိပြန်တယ်။ တစ်ချို့ကျတော့လည်း သူငယ်ချင်းတွေနဲ့ Beach မှ beach ဆိုပြန်တယ်။ အားကစားပွဲတွေ၊ EDMပွဲတွေ တက်ဖို့သက်သက် ခရီးသွားနေတဲ့လူတွေလည်း ရှိပါတယ်။

 ကိုယ့်ရဲ့ Travel Style က ဘယ်လိုများလဲ?
Independent travel (သို့မဟုတ်) a group tour package
မြို့ပြ (သို့မဟုတ်) ကျေးလက်/တောတွင်း
တစ်နေ့လုံးလည် (သို့မဟုတ်) တစ်နေရာမှာ အနားယူ
ပြည်တွင်း (သို့မဟုတ်) ပြည်ပ စသဖြင့် စဉ်းစားရပါမယ်။

 ငွေကြေးဘယ်လောက်ထိ သုံးချင်တာလဲ?
Budget-minded travelက ကောင်းပေမဲ့ တစ်ခါတစ်လေတော့ luxuryဆန်ဆန် သွားလည်မှ ဒေသအရသာအပြည့်အဝခံစားလို့ရတာမျိုးတွေလည်း ရှိပါတယ်။ ဥပမာ မော်လ်ဒိုက်

 အချိန်ဘယ်လောက် ပေးနိုင်မလဲ?
အဓိက အရေးအကြီးဆုံးအရာပါ။ အချိန်လံုလံု‌ေလာက်‌ေလာက်မရှိရင် စိတ်အေးလက်အေး ခရီးသွားနိုင်မှာ မဟုတ်ဘူးလေ။ ပေးနိုင်တဲ့အချိန်ပေါ်မူတည်ပြီး သွားမဲ့နေရာရွေးရတာက ပိုအ‌ေြခခံကျပါလိမ့်မယ်။

 ဒေသရဲ့ အခြေအနေကရော ဘယ်လိုရှိမလဲ?
ဥကမာ ပြည်ပခရီးဆိုရင် ဘာသာစကားအခက်အခဲ၊ ယဉ်ကျေးမှု ကွာခြားတာမျိုး၊ ရာသီဥတု မတူတာမျိုး၊ အစားအသောက်အဆင်ပြေမ‌ေပြဆိုတာ ၊လုပ်ချင်တဲ့ activityတွေရော ဘေးကင်းကင်း လုပ်နိုင်မလား ဆိုတာတွေ ထည့်သွင်းစဉ်းစားပေးရမှာပါ။

 ဘယ်သူတွေနဲ့ တူတူသွားမှာလဲ?
ဒါကလည်း အရေးကြီးပါတယ်။ မိသားစုနဲ့ ဆိုရင်တော့ relaxဖြစ်မဲ့ နေရာမျိုး ရွေးသင့်ပြီးတော့၊  ချစ်သူ၊သူငယ်ချင်း‌ေတွနဲ့ဆိုရင်တော့ activeဖြစ်ဖြစ်လှုပ်ရှားသွားလာရမဲ့ နေရာမျိုးတွေရွေးချယ်သင့်ပါတယ်။

ဒီလောက်ဆိုရင်တော့ ဆုံးဖြတ်ရလွယ်ကူမယ်လို့ မျှော်လင့်မိပါတယ်။
အားလုံးပဲ ခရီးတွေပျော်ပျော်ရွှင်ရွင် အများကြီးသွားနိုင်ကြပါစေ။

• မော်လ်ဒိုက် မိတ်ဆက် –
  The Republic of Maldives ဟာ အိန္ဒိယသမုဒ္ဒရာရဲ့ အာရေဗီယန်ပင်လယ်ထဲမှာ တည်ရှိတဲ့ ကျွန်းစုနိုင်ငံငယ်လေးဖြစ်ပါတယ်။ ကျွန်းစုပေါင်း ၁၁၉၂ ကျွန်းအထိ တည်ရှိပျံ့ကျဲနေပါတယ်။ ကမ္ဘာပေါ်မှာ ပထဝီဝင်အရ အကွဲကွဲအပြားပြား အဖြစ်နေဆုံး နိုင်ငံများထဲမှ တစ်ခု ဖြစ်သလို (၃၉၃၅၀၀)ယောက်သာ ရှိသော နေထိုင်သူ ပမာဏ အနည်းငယ်ကြောင့် ကုန်းမြေဧရိယာ အရကော၊ ‌လူဦးရေအရပါ အသေးငယ်ဆုံး အာရှ နိုင်ငံလည်း ဖြစ်ပါတယ်။ ငါးဖမ်းလုပ်ငန်းကို ရှေးယခင်ကတည်းက အကြီးအကျယ် လုပ်ကိုင်လာပြီး၊ ၁၉၇၂ခုနစ်နောက်ပိုင်းမှာ ခရီးသွားလုပ်ငန်းလည်း လျင်မြန်စွာ တိုးတက်လာခဲ့ပါတယ်။

အခုလက်ရှိမှာတော့ အပန်းဖြေ resort ၁၃၂ခု အထိ ရ‌ှိနေပါပြီ။
ပြာလဲ့လဲ့ ပင်လယ်၊ ဖြူလွလွ သဲသောင်ပြင်နှင့် လတ်ဆတ်တဲ့လေ တို့ကြောင့် နိုင်ငံတကာခရီးသွားတွေကြားထဲ အမြဲရေပန်းစားပါတယ်။ Honeymoonအလည်အပတ်ထွက်သူတွေနဲ့ အမြဲပြည့်နှက်နေလေ့ရှိပြီးတော့ scuba divers နဲ့ snorkelers‌ေတွအတွက်လည်း coral garden၊ natural aquarium တွေရှိပါတယ်။ Resortတစ်ခုချင်းစီတိုင်းမှာလည်း စားသောက်ဆိုင်၊ ကော်ဖီဆိုင်၊ ဈေးဆိုင်၊ lounges၊ bars၊ discos and diving schools၊ catering၊ power generators၊ laundry serviceနှင့် a sewage plant တွေဖွင့်လှစ်ထားရှိပေးထားပါတယ်။ Swimming, fishing, scuba diving, snorkeling, water-skiing. windsurfing နဲ့ kite boarding တို့လို Water Sportsတွေလည်း ဆော့ကစားနိုင်ပါတယ်။ Aerobics၊ volleyball နှင့် table tennis တွေအထိတောင် ပြည့်စုံအောင် စီစဉ်ပေးထားကြပါတယ်။ ဒီလိုပြည့်စုံစွာ စီစဉ်ပေးထားတာကြောင့်ပဲ luxury ခရီးသည်တစ်ယောက်ဟာ အမေရိကန်ဒေါ်လာ ၅၀၀၀နီးပါးအထိ ပျှမ်းမျှကုန်ကျမှာဖြစ်ပါတယ်။

Maldivesရဲ့ နာမည်အကြီးဆုံး နေရာ (၉) နေရာကို အောက်မှာ ပုံနှင့်တကွ ဖော်ပြထားပါတယ်။

References:
https://www.moneywehave.com/how-much-does-it-cost-to-go-to-the-maldives/
https://www.maldives-magazine.com/top-10/10-best-beaches.htm